Dagleg leiar i Frøyland og Orstad kyrkjelyd (FOK)
Klepp kyrkjelege fellesråd søker etter dagleg leiar i 100 % fast stilling.
Frøyland og Orstad sokn ligg i både Klepp og Time kommune, men er organisatorisk lagt under Klepp kyrkjelege fellesråd. Klepp kyrkjelege fellesråd består av fire sokn: Bore, Klepp, Orre og
Frøyland/Orstad. Frøyland/Orstad sokn har 4400 medlemmer.
Kyrkjelyden har mål om å væra eit raust fellesskap der alle kan finna sin plass, uansett alder og livssituasjon. Det vert lagt vekt på gudstenester der nye skal kjenna seg heime, og det skal være godt tilrettelagt for barnefamiliar. I tillegg til gudstenester er det mange smågrupper i heimane og ulike tenestegrupper. Det er eit stort og aktivt arbeid for barn og ungdom med ulike tilbod gjennom heile veka.
Kyrkjerommet er eit glimrande konsertlokale med høg kvalitet på lydutstyret, og vi har frivillige med god kompetanse på teknisk produksjon. Det vert arrangert mange konsertar gjennom året.
Kyrkjelyden sin visjon: “Vi vil sjå menneske komma til tru på Jesus og bli frimodige etterfølgjarar”.
Verdiar: “Tilbedande – Inkluderande – Tenande – Utrustande – Evangeliserande”.
Les meir på heimesida vår: www.fok.no
Dagleg leiar i Frøyland og Orstad kyrkjelyd er ein spennande og utfordrande jobb, kor det blir sett krav til gode leiareigenskapar. Som dagleg leiar må ein ha blikk både på heilheit og detaljar, langsiktig planlegging og dei faste daglege oppgåvene.
Staben består i tillegg til dagleg leiar av sokneprest ( 100 % ) , ungdomspastor ( 100 % ) , økonomi – og driftsleiar ( 100 % ) , barnepastor (50 %), musikalsk leiar og trusopplærar (40 %+ 50 % ).
Kyrkjelyden har ei rekkje tenestegrupper/team av frivillige som saman med husfellesskapsgruppene er viktige for arbeidet. Eksempel på dette er lovsongsgrupper, lyd, lys og bilde, nattverd, kyrkjeverter, leiarar for barn og unge osv. Det har vore ein sentral tanke frå starten at FOK skal vera ein kyrkjelyd av smågrupper. Generelt er det stor frivillig innsats i FOK og mykje av arbeidet er basert på dette.
Fast gjevarteneste finansierer ungdomsprest, barnepastor og deler av stillingane som musikalsk leiar, dagleg leiar og økonomi – og driftsleiar. Totalt 2,65 årsverk.
Fleire stikkord om kyrkjelyden:
- Høgt prioritert og variert arbeid for barn, familiar og ungdomar
- Fokus på leiartrening
- Misjonsprosjekt og ønske om tydeleg ut-fokus lokalt og internasjonalt.
- Systematisk arbeid med utvikling av kyrkjelyden ( NaMu )
Den som blir tilsett skal saman med resten av staben og frivillige bidra til vidareutvikling og vekst av kyrkjelyden i samsvar med visjon, verdiar og eigenart
Arbeidsoppgåver
- Leie og koordinere kyrkjelyden sitt daglege arbeid og ulike aktivitetar
- Personal- og overordna økonomiansvar
- Strategisk planlegging av kyrkjelydens verksamheit
på kort og lang sikt i samarbeid med prest, sokneråd og stab
- Ansvar for å førebu saker til sokneråd og følgje opp vedtak
- Arbeida for å utvikla kyrkjelyden i samsvar med mål og føringar frå soknerådet
- Halde oversikt over og legge til rette for arbeidet som blir utført av
tilsette og frivillige, koordinere og gjennomføre tiltak ved behov
- Overordna ansvar for kommunikasjon. Planlegging og oppfølging av kommunikasjonskanalar som kyrkjelydsblad, web-sider og kommunikasjon i sosiale medier
- Ansvar for rapportering og gode prosessar for dokumentasjon og arkivering
- Vera kyrkjelydens primære kontaktperson
Kvalifikasjoner
- Høgare utdanning og/eller erfaring innanfor økonomi, leiing og administrasjon
- Praktisk erfaring kan kompensere for manglande utdanning
- Kunne kommunisera godt på norsk, skriftleg og munnleg
- Personleg eignethet vil bli vektlagd.
- Krav om medlemskap i Den norske kyrkja
- Lokalkunnskap vil vera ein fordel
Personlige egenskaper
- Gode leiareigenskapar og dyktig organisator
- God økonomiforståing og evne til systematisk tenking
- Løysingsorientert, kunne sjå potensiale og leie gode utviklingsprosessar
- Være glad i menneske og ha evne og vilje til å bli engasjert og engasjere andre medarbeidarar
- Evne til å jobbe strukturert, sjølvstendig og i samarbeid med stab og frivillige
- Kunne ha eigarskap til kyrkjelyden sin visjon og verdiar og bidra til vidare bevissthet om dei
Vi tilbyr:
- Løn etter avtaleverket for kyrkjeleg sektor
- Utfordrande og meiningsfylte oppgåver i ein spennande kyrkjelyd
- Relevante kurs og inspirasjonssamlinger
- Gode forsikrings – og pensjonsordningar
- Leiarfellesskap med andre daglege leiarar og kyrkjeverje
Arbeidsstad: Frøyland og Orstad kyrkje, Orstadbakken 33.
Søknad sendes til: kirkeverge@klepp-kirken.no
Søknadsfrist: 8.februar
Tiltredelse: 1.april
Kontaktinfo:
Ingunn Matre
Dagleg leiar Frøyland/Orstad
92 80 59 42
Inger Kari Søyland
Kyrkjeverje Klepp
40 40 60 14